Ek Nahi Do Nahi Karo Beeson Samjhote Par swatantra Bharat Ka Mastak Nahi Jhukega
Aganit Balidano se Arjit Yeh Swatantrta
Ashru, Shok, Shourya se sinchit yeh Swatantrta
Tyag Tej Tapbal se Rakshit Yeh Swatantrta
Dukhi Manujta ki hit Arpit yeh Swatantrta
Ise Mitane ki Sajish Karnewalo se Keh Do Chingari Ka Khel Bura Hota Hai
Auro Ke Ghar Aag Lagane Ka Jo Sapna Apne Hi Ghar Main Khada Hota Hai
Apne Hi Hatho Tum Apni Kabr Na Khodo
Apne Pairo Aap Khulhadi Nahi Chalao
O Nadan Padosi Apni Aankhe Kholo
Aazadi Anmol Na Iska Mol Lagao
Per Tum Kya Jano Aazadi Kya Hoti Hai Tumhe Muft Main Mili Na Kimat Gai Chukai
Angrejo Ke Bal Per Do Tukde Paye Hain Maa Ko Khandit Kerte Tumko Laaj Na Aayi
Ameriki Shastro se Apni Aazadi ko Duniya main Kayam Rakh Loge Yeh Mat Samjho
Das Bees Arab Lekar Aane Wali Barbadi Se Tum Bach Loge Yeh Mat Samjho
Dhamki Jihad Ke Naro Se Hathiyaro se Kashmir Kabhi Hathiyaloge Yeh Mat Samjho
Hamlo Se Atyacharo se Samharo se Bharat Ka Shish Jhuka Loge Yeh Mat Samjho
Jabtak Ganga Ki Dhar Sindhu Main Jwar Agni Main Jalan Surya Main Tapan Shesh
Swatantr Samar Ki Bedi Per Arpit Honge Aganit Jeevan Yuvan Ashesh
Amerika Kya Sansar Bhale Hi Ho Vyarth Kashmir per Bharat ka Sir Nahi Jhukega
Ek Nahi Do Nahi Karo Beeson Samjhote Per Swatantr Bharat Ka Nishchay Nahi Rukega

Advertisements